धनकुटा: देवनटारबाट जुवातास खेलिरहेको आरोपमा प्रहरीद्वारा नौ जना पक्राउ।

 धनकुटा नगरपालिका-५ देवनटारमा जुवातास खेलिरहेको अवस्थामा प्रहरीले छापा मारी नौ जनालाई पक्राउ गरेको छ। मेनकुमारी लिम्बुको घरमा कौडा तथा तास खेल भइरहेको गोप्य सूचनाका आधारमा जिल्ला प्रहरी कार्यालय धनकुटाबाट खटिएको टोलीले उनीहरूलाई नियन्त्रणमा लिएको हो।

पक्राउ परेकाहरूको साथबाट प्रहरीले नगद २४ हजार ५ सय रुपैयाँ र एक बुक खुला तास बरामद गरेको छ। प्रहरीले बरामद नगद, ताससहित नौै जनालाई जिल्ला प्रहरी कार्यालय धनकुटामा राखेर कानुनबमोजिम थप अनुसन्धान प्रक्रिया अघि बढाएको छ।