डिजाइन स्वीकृतिमा ढिलाइ हुँदा कर्णाली करिडोरका पुल निर्माण प्रभावित

कर्णाली करिडोरअन्तर्गत कालीकोट, बाजुरा र हुम्ला खण्डका नदी तथा खोलामा निर्माण गर्नुपर्ने पुलहरूको काम डिजाइन स्वीकृतिमा ढिलाइ हुँदा प्रभावित बनेको छ । २०७९ असारमा डिजाइन एन्ड बिल्ड प्रक्रियाबाट ठेक्का लागेका अधिकांश पुलको अन्तिम डिजाइन सडक विभागबाट समयमै स्वीकृत नहुँदा निर्माणले गति लिन सकेको छैन । कालीकोट खण्डका तीन पुलको डिजाइन स्वीकृत भए पनि निर्माण सुरु भएको छैन भने बाजुरा–हुम्ला खण्डका छ पुलमध्ये एकको मात्र निर्माण सुरु भएको छ । नौ पुलमध्ये दुईको डिजाइन अझै स्वीकृत हुन बाँकी छ भने प्राविधिक जटिलता र निर्माण कम्पनीको ढिलासुस्तीले परियोजना थप प्रभावित बनेको छ ।