उत्तराखण्डबाट उडेको हेलिकप्टर खराब मौसमका कारण जोशीमठ नजिकै दुर्घटनाग्रस्त भएको छ।

उत्तराखण्डको बद्रीनाथ धामबाट देहरादुनका लागि उडेको ट्रान्स भारत एभिएसनको हेलिकप्टर खराब मौसमका कारण जोशीमठनजिकै दुर्घटनाग्रस्त भएको छ। उक्त हेलिकप्टरमा ५ तीर्थयात्री र १ पाइलट गरी कुल ६ जना सवार थिए।

दिउँसो उडान भरेको सो हेलिकप्टरसँग जोशीमठ उपत्यकाको आकाशमा सम्पर्क टुटेको थियो। स्थानीयले जङ्गलमा आगो लागेको सूचना दिएपछि मुख्यमन्त्री पुष्करसिंह धामी र सेनाले दुर्घटनाको पुष्टि गरेका छन्। दुर्घटनास्थलमा राज्य विपद् प्रतिक्रिया बल, प्रहरी र जिल्ला प्रशासनको टोली परिचालन गरी उद्धार तथा खोजी कार्य तीव्र पारिएको छ। मौसम खराब भएकाले त्यस क्षेत्रको हेलिकप्टर सेवा स्थगित गरिएको छ।