रसुवाको बाढीमा मृत्यु भएका सात शव तानसेनमा व्यवस्थापन गरियो।

१७ भदौ, काठमाडौं। रसुवाको भोटेकोसी बाढीमा मृत्यु भएका सात जनाको शव तानसेनमा व्यवस्थापन गरिएको छ । नवलपुरमा फेला परेका पहिचान नखुलेका शव पाल्पा ल्याइएको थियो । जिल्ला विपद् व्यवस्थापन समितिको बैठकपछि तानसेन–१ गोर्खेकोटस्थित सामुदायिक वनमा सात शव व्यवस्थापन गरिएको हो । सहायक प्रमुख जिल्ला अधिकारी शिवराज सेढाईका अनुसार पाल्पा ल्याइएका आठ पहिचान नखुलेका शवमध्ये सात जनाको डीएनए परीक्षण तथा हुलिया संकलन गरी मापदण्डअनुसार व्यवस्थापन गरिएको हो । जिल्ला प्रहरी कार्यालय पाल्पाका अनुसार व्यवस्थापन गरिएका शवमा एक बालक, तीन पुरुष, दुई महिला र एक बालिका छन् । तीमध्ये एक महिलाको पहिचान खुलेपछि उनको शव नुवाकोटबाट आएका आफन्तलाई जिम्मा लगाइएको प्रहरीले जनाएको छ ।